INFOMAX.MK

На бензинските пумпи во Бугарија се создадоа огромни редици. Причина е гласина за поскапување на горивата од утре. Во Софија колоните се од 20-30 автомобили.
Огромни редици има и на бензинските пумпи низ северозападна Бугарија од Видин до Враца.

Возачите велат дека чекаат во редици за гориво поради огромниот скок на цените за тој ден и гласините дека наскоро нема да има гориво на бензинските пумпи.

Повторно денеска со спонтан протест беше затворен меѓународниот пат Е 79 кај Враца. Но, тоа траеше само четвртина час, бидејќи полициските патроли го ослободија движењето на колоните.

Незадоволството го предизвикува постојаното поскапување на горивата, кои на места во регионот денеска надминаа и 3 лева за литар. (околу 90 денари)

Луѓето се организираа само 2 часа на социјалните мрежи и се собираа на делницата меѓу Враца и Мездра. Тие го блокираа патот во двата правци и на тој начин го изразија своето незадоволство од она што се случува. Возачите се заканија дека ќе се соберат на протест и утре.

Линк до видеото:

https://www.vbox7.com/play:2217f482cb