(Фото) Владина делегација му оддаде почит на првиот претседател на Република Македонија, Киро Глигоров
Владина делегација предводена од премиерот Димитар Ковачевски положи свежо цвеќе по повод смртта на првиот претседател на независна Република Македонија, Киро Глигоров.
– Денеска положивме свежо цвеќе и оддадовме почит кон првиот претседател на нашата држава, Киро Глигоров.
Мудроста на претседателот Глигоров е нашиот патоказ и денес, и секогаш, и вечна ќе биде нашата благодарност кон него, како што е вечен споменот за него.
Претседателот Глигоров во сите негови чекори визионерски го избираше патот напред кон стабилна иднина и ја виде државата како заеднички дом за сите. Верувам дека денес би бил горд затоа што Република Македонија успешно ја развиваме во тој правец. – напиша Ковачевски на Фејсбук.
