INFOMAX.MK

Одеската епархија на Украинската православна црква денеска соопшти дека руски проектил целосно го уништи олтарот на црквата „Преображение“ во Одеса. Од руското Министерство за одбрана ги отфрлија овие тврдења и посочија дека тие ги планирале нападите „врз основа на внимателно проверени и потврдени информации преку неколку канали, намерно исклучувајќи го гаѓањето цивилни објекти во кои се наоѓаат цивили, како и на објекти од културно и историско наследство“.

„Одеската епархија на Украинската православна црква уште еднаш ја осудува руската агресија врз Украина, овој терористички чин против главното светилиште и духовното срце на градот Одеса – црквата „Свето Преображение“, околу која живеат мирни граѓани, а самата катедрална црква на никаков начин не е поврзана со воени објекти“, додаваат од епархијата.

Најмалку едно лице загина како резултат на нападот, додека 22 цивили, меѓу кои три деца, се повредени во синоќешниот напад на Одеса.

Во продолжение како изгледа уништената црква…