(Фото) Запалиле контејнери, а пожарот се проширил и на фасадата на медицинското училиште во Битола

t

Вандали запалиле контејнери, а пожарот ја опфатил фасадата на средното медицинско училиште „Д-р Јован Калаузи“ во Битола, соопштија од училиштето.

„Додека повеќето одмараа за празниците, а учениците не одеа на школо, истовремено горела фасадата на средното медицинско училиште „Д-р Јован Калаузи“ во Битола, откако претходно биле запалени контејнери сместени во училишниот двор. Ја известуваме јавноста дека за време на празничните неработни денови, поточно на 11.4 во 1 часот и 30 минути по полноќ беше извршен вандалски чин со палење на контејнерите во дворот на училиштето, при што пожарот се прошири и предизвика оштетување на фасадата на задниот дел на објектот“, се наведува во соопштението.

Од таму посочуваат дека навремената интервенција на службите спречила пожарот да направи поголеми штети.

„Благодарение на навремената интервенција на надлежните служби од противпожарната единица и Министерството за внатрешни работи, пожарот беше локализиран и спречени се поголеми последици. Случајот е пријавен и во тек е постапка за откривање и санкционирање на сторителите. Остро го осудуваме овој чин на уништување на јавен имот и апелираме до надлежните институции за брза и ефикасна разрешница. Училиштето ќе ги преземе сите потребни мерки за целосна санација на штетата и дополнително зајакнување на безбедноста“, велат од училиштето.

ПОВРЗАНИ ВЕСТИ

Пронајдени и уништени 2.262 гранати кај Битола

Заврши откопувањето и безбедното отстранување на поголем…

21-годишна битолчанка била давена и задушувана со…

Бети Ангеловска од Битола, мајка на 21-годишна…

За влакно избегната трагедија во Битола: Излог…

Силен ветер предизвика сериозни штети во Битола.…

(Видео) Пронајдени и извадени над 1700 гранати…

Над 1.700 гранати се пронајдени и извадени…

Орце: Новите контејнери ги набавуваме за 9600…

Градоначалникот на Скопје, Орце Ѓорѓиевски денеска информираше…