(Фото) Затвореници од струмичкиот затвор отидоа во театар, ја проследија комедијата „Стилист“

Управата за извршување санкции информира дека денеска била реализирана организирана посета на театар за осудените лица во Казнено-поправната установа Затвор Струмица.

КПУ Затвор Струмица во соработка со НУЦК „Антон Панов“ Струмица организираше културна посета на театар за група на осудени лица. Настанот се реализираше во рамки на програмата за ресоцијализација и рехабилитација преку култура и уметност.

Осудените лица имаа можност да ја проследат театарската комедија „Стилист“.

-Оваа активност претставува дел од поширокиот напор за хумано постапување и подготовка на осудените лица за нивна успешна ресоцијализација и враќање во општеството. Посетата се одвиваше под строго утврдени безбедносни мерки и со претходна согласност од надлежните институции, информираат од Управата.

Share on Facebook

Tweet

Follow us

Save