INFOMAX.MK

Седум европски држави – Англија, Велс, Белгија, Данска, Германија, Швајцарија и Холандија – објавија пред почетокот на првенството дека нивните капитени ќе ги носат лентите и покрај забраната. Ова ја поттикна ФИФА да ги предупреди сите тимови дека прекршителите автоматски ќе бидат казнети со жолт картон.

Германските репрезентативци пред да го започнат својот прв натпревар на Светското првенство во Катар одржаа симболичен протест против ФИФА. Причината за тоа е забраната за капитените на тимовите да носат лента со натпис OneLove и боите на виножитото како поддршка на ЛГБТ заедницата.

Во Катар хомосексуалноста е забранета бидејќи Уставот на емиратот се заснова на шеријатскиот закон. Организаторите на спортскиот настан најавија дека апсолутно сите се добредојдени во Катар, доколку ги почитуваат законите на земјата и ја почитуваат локалната култура.

По тоа предупредување, некои од земјите се откажаа од своите намери – капитените на Англија и Велс излегоа со лентата одобрена од ФИФА на која пишуваше „Не на дискриминацијата“. Но, бундеслигашот не се помири целосно – пред мечот со Јапонија, играчите ги покрија устите, а потоа службено лице мораше да ја провери лентата на голманот и капитен на тимот, Мануел Нојер, кој намерно ја покри со ракавот.

Neuer having his captain's armband checked by an assistant referee before kick off. pic.twitter.com/Jb41MQ9fRG

— ESPN FC (@ESPNFC) November 23, 2022

Се испостави дека Нојер не ја носел лентата со виножито, а нејзината порака била поддршка на различностите и меѓусебното почитување меѓу различните заедници.

„Ова не беше политичка изјава – човековите права не се за дебата. Тие треба да се земаат здраво за готово, но сепак не се. Да ни се забрани лентата е исто како да ни го одземаш гласот“,

напиша националниот тим на Германија на Твитер.

We wanted to use our captain’s armband to take a stand for values that we hold in the Germany national team: diversity and mutual respect. Together with other nations, we wanted our voice to be heard.

— Germany (@DFB_Team_EN) November 23, 2022