(Фото) Така правеле во Канада: Муцунски ja доби наградата за најглупаво решение – наместо плацот да го заградат, полесно им беше да го блокираат кејот во Аеродром

Жителите на Аеродром вчера ги дочека несекојдневна глетка на кејот на реката Вардар. На едно место на горната пешачка патека поставена е железна ограда која го спречува натамошното движење. Оградата е поставена на локација каде пред неколку недели Центарот за управување со кризи предупреди дека веднаш до патеката постои провалија која е ископана и необезбедена.

Станува збор за провалија која се наоѓа на приватно земјиште, односно ископ за изградба на градба за која дозвола дала општина Аеродром и токму таа општина е одговорна за посочената парцела.

Но наместо општината да му наложи на сопственикот да ја обезбеди парцелата, утрово оградата наместо на границата на парцелата со кејот, е поставена директно на пешачката патека со што се попречува нормалното движење.

Share on Facebook

Tweet

Follow us

Save