(Фото) Македонската нација не е хипотеза за докажување, туку жива аксиома: Францускиот предлог ја враќа Македонија пред 1947 година
Францускиот предлог ја враќа Македонија пред 1947 година
/Македонската нација не е хипотеза за докажување, туку жива аксиома/
Некој му го смести на мсје Макрон. И тоа до балчак. Доживува политички порази во серија. Најпрвин го порази Путин, и го стави “на дистанца“. Потоа изгуби дома на парламентарни избори(го изгуби мнозинството и оствари најслаб резултат во последните 30-40 години). Потоа го понижи Радев кој не му отиде на поклонение во Париз. И еве кругот на порази е затворен со т.н. “Француски предлог“ за решавање на спорот што Бугарија го има со Република Македонија.
Сега да објаснам зошто овој срамен предлог на Макрон е враќање во минатото на Македонија. Постои еден документ на Министерството на народна просвета одделение за проучување на учебното дело на Бугарија од 1947 г.Документот е заведен под Но. 423 од 22 11 1947г. А се однесува на Поправки во учебниците по историја во Бугарија.Во документот јасно се наведува дека со цел да се поправат и да се избегне секоја можност за великобугарски шовинизам, се прават следните поправки во учебниците по историја:
Во учебникот по историја за 3ти клас, на стр. 40 и 41 Самуиловата држава не треба да се претставува како“Западна Бугарија“. Треба да се истакне чисто словенскиот карактер и да се каже дека тоа е феудална држава, во која не може да има каква и да е национална свест. Особено е важна исправката дека Самоиловата држава е држава предимно на Македонските Словени. Многу јасно и воопшто недвосмислено.
Во учебниците пак за 7 клас се направени следните промени:
На стр. 34 треба да стои дека Племенскиот сојуз на словенските племиња во Македонија, на чело со кнезот Пребонд е прв обид на Македонските Словени за создавање на државна организација.
На стр. 65 Климент и Наум да се истакнат како јужнословенски просветители и книжевници.
На стр.80 се прават промени за Самоиловата држава, исто како и во учебникот за 3 клас.
На стр. 209 и 219 се прават промени за браќата Миладиновци и другите македонски учители и книжевници, во смисла дека не треба да бидат третирани како претставници на бугарската просвета. За Преродбата пак се кажува дека општите интереси на Бугарите и Македонците ја условуваат и нивната заедничка борба,. насочена против заедничкиот непријател фанариотите. Затоа, идни и исти книги и весници служат како идејни толкувачи на борбата што ја водат браќата Бугари и Македонци.
На стр. 296-297 текстот под наслов “Национално движење во Бугарија“, треба да се објасни во смисла дека “македонското движење“ за “ослободувањето“ на Македонија не било оформено и организирано движење, туку обична пројава на симпатии од страна на прогресивните средини во Бугарија спрема поробените Македонци.
На стр.424 се објаснува дека партизанскиот одред “Христо Ботев“ е формиран во гевгелиско од прогресивни бугарски војници, под водство на резервниот потпоручник Дичо Петров Таков и одредот дејствува заедно со македонските партизани против бугарските окупатори.
Документот е потпишан од Началник на одделението за проучување на учебното дело П.Заимов и Главен инспектор, Т.Влахов. Документот може да се најде во Архивот на Македонија во Фондот варија.
И сега, треба ли нешто да се дообјаснува. Не! Јасно е дека уште во 1947 г. Бугарија во својот образовен систем ја внела вистината за македонската историја, во врска со Самуиловата држава, вистината за кнезот Пребонт и државната организација што тој ја создал, вистината за браќата Миладиновци и сите други преродбеници, вистината за Преродбата, вистината во врска со карактерот на “македонското движење“ во Бугарија и вистината за партизанскиот одред “Христо Ботев“, што е и вистина за бугарските окупатори. Некој “паметен“, а всушност недоветен, сака овие факти, овие аргументи да ги поништи, и се да претстави како бугарско. Јок! Тао не бива. Нашата и светската научна јавност ја знаат историската вистина за Македонија и Македонците и за сета борба за нашите историски права за национална слобода, социјална правда и државност.
На Радев и дружината треба да им е јасно дека македонската нација не е хипотеза што има потреба од докажување. Напротив. Македонската нација е жива аксиома, во чија основа сејазикот, името, историјата, културата, Преродбата, Револуцијата и Државноста.
Сотир Костов
ПОВРЗАНИ ВЕСТИ
(Видео) Американски топ дипломат го уништи Христијан…
Заменикот на државниот секретар на САД, О'Брајан…
Ковачевски: ДПМНЕ го кочи европскиот пат на…
Одговорноста има име и презиме, тоа е…
Социјалните мрежи горат по вчерашното реми: Од…
Социјалните мрежи вријат откако Македонија вчера ѝ…
Добро утро со Инфомакс: Наше знаме е…
Добро утро Македонци, денеска ви го пренесуваме…
Руски зборник од 1849 година: Македонскиот јазик…
Во време кога се врши атак врз…