INFOMAX.MK

Одличната соработка и партнерството продолжуваат, велат од МВР каде денеска стигна вредна германска донација за квалитативно зголемување на капацитетите на граничната полиција.

– Со предавањето на денешнава донација на возила и техничка опрема вредна 360.000 илјади евра од Сојузното Министерство за внатрешни работи и татковина на Сојузна Република Германија, во присуство на амбасадорката Н.Е. Анке Холштајн, уште еднаш ги потврдуваме партнерството и поддршката на Владата на Сојузна Република Германија за Република Македонија, особено во зајакнувањето на техничките и материјални капацитети на патот кон евро-атлантските интеграции.

Со ова дополнително ќе ги зајакнеме капацитетите при вршењето граничен надзор, транспорт и дистрибуција на техничка опрема и потрошни материјали до Регионалните центри за гранични работи, како и до полициските станици за гранични проверки и граничен надзор, како и при реализацијата на активности во насока на сузбивање на прекуграничен криминал и криумчарење на мигранти.

Голема благодарност за искрената подготвеност за натамошна соработка и поддршка и континуираното продлабочување на билатералните односи, како и квалитативното надградување на капацитетите на МВР, велат од Министерството.