(Фото) Најнова вест: Русија дозволи слободно движење и извоз на украинското жито!

Русија потпиша документи за укинување на ограничувањата за испорака на руски производи за извоз и за олеснување на извозот на украинско жито, јавува дописникот на РИА Новости.

На церемонијата присуствуваа турскиот претседател Реџеп Таип Ердоган и генералниот секретар на ОН Антонио Гутереш. Во име на руската страна документите ги потпиша министерот за одбрана Сергеј Шојгу.

Пред ова, Украина го потпиша својот дел од договорот, исто така со Турција и ОН.

ОН постојано предупредуваа за закана од криза со храна поради недостиг на житни култури, западните земји ја обвинија Русија за блокада на пристаништата на Црното Море. Москва категорично го отфрла ова и истакнува дека самиот Киев создал бројни пречки за извозот: покрај палењето на житото во пристаништето Мариупол, украинските војници го минирале Црното Море.

Владимир Путин, пак, нагласи дека Русија не се меша во извозот на жито, а доколку Украина ги исчисти пристаништата од мини, бродовите со храна ќе можат да заминат без проблеми. Покрај тоа, шефот на државата потсети на постоењето на други рути за транспорт на житарки: преку Романија, Дунав и последователно движење по Црното Море, преку Полска, преку Белорусија и преку пристаништата на Азовското Море. .

Share on Facebook

Tweet

Follow us

Save