INFOMAX.MK

Од Центарот за управување со кризи јавуваат дека денеска, после пладне, беа пријавени неколку пожари на територијата на државата на отворен простород којшто поспецифичен, според проширувањето, е пожарот за којшто известува Регионалниот центар за управување со кризи РЦУК Струмица.

Тој започнал како пожар во поле, а подоцна се проширен во шума на место викано Погана помеѓу Гевгелија и Богданци. Во гаснењето на пожарот првично интервенирале 12 пожарникари со 4 пртивпожарни ПП возила од ТППЕ Гевгелија и 4 лица од Национални шуми подружница Гевгелија.

Потоа на помош дошле од Општина Богданци, а и мештаните се вклучиле. Пожарот, заради метеоролошките услови со ветер и теренските услови – непристапност и густа тнеста вегетација, локално позната како прнар, се проширил во обем за загрозување на пумната станица за вода Ѓавато за Дојранско Езеро и просторот под големите ветерници во таа околина, а и за селото Ѓавато.

Затоа е побарано противпожарна помош за дејство од воздух, поточно да се активира еден хеликоптер за гаснење на непристапните места, што во моментот се остварува согласно стандардните оперативни процедури.