(Фото) Поранешниот хрватски министер продава Пасат со опис: „Еднаш пукано од него“

Јосип Дабро објави оглас на Фејсбук за продажба на Фолксваген Пасат од 2020 година и остави опис: „Еднаш е пукано од него“.

Според огласот, пасатот е регистриран во Винковци, а Дабро за него бара 20.000 евра, пишува Index.hr.

Дабро, поранешен министер и парламентарец на Пленковиќ и ДП, е под истрага од ДОРХ под сериозни обвиненија кои вклучуваат нелегално поседување оружје и кршење на правата на децата.

Истрагата беше покрената откако се појавија видеа на кои Дабро пука со автоматско оружје и дозволува малолетници, вклучително и неговиот син, да пукаат со пиштоли, автоматски пушки и да фрлаат експлозивни направи.

Според обвинителството, Дабро од 2020 до 2024 година постојано изложувал деца на опасност, обучувајќи ги да ракуваат со оружје и експлозиви. Снимката што беше обелоденета покажува малолетници кои користат оружје под негов надзор, што предизвика осуди и повици за негово гонење.

ДОРХ побара одземање на пратеничкиот имунитет на Дабра, по што му беше одредена мерка притвор поради ризик од влијание врз сведоци, каде што помина четири дена. Дабро тврди дека обвиненијата против него се политички мотивирани и негира делови од наводите, како што е тврдењето дека му дал рачна бомба на дете.

Полицијата извршила претрес на неговиот имот и пронашла нелегално оружје, додека обвинителството посочува дека со неговите постапки била загрозена безбедноста на децата и се прекршени законите за огнено оружје.

Share on Facebook

Tweet

Follow us

Save