(Фото) Првата посета на Чарлс Трети на Македонија: Се сликше со играорци во Охрид

Во далечната 1998 година Кралот Чарлс Трети, но како Принц од Велс, престојуваше во дводневна официјална посета на Македонија при што ги посети Скопје и Охрид. Посетата на британскиот престолонаследник се случи само недела дена по вториот круг од третите парламентарни избори во Македонија кога власта од СДСМ ја презеде коалицијата на ВМРО-ДПМНЕ и Демократска Алтернатива.

Кралот Чарлс III на 8. ноември 1998 се сретна со тогашниот македонски претседател Киро Глигоров и со министерот за одбрана Благој Ханџиски.

Британскиот престолонаследник ги испочитува и двете најголеми верски заедници во државата, присуствувајќи на панихидата за загинатите војници со која чиноначалствуваше владиката Агатангел, а присуствуваше и на молитва во Алипашината џамија во Охрид.

И покрај набиената политичка агенда, која вклучуваше и посета на редакцијата на Би Би Си на македонски јазик и посета на Македонската берза и средба со тогашниот директор Евгенија Зографски, тој дента замина и во Охрид каде меѓудругото го посети локалниот пазар и според фотографиите, мирисаше ливчиња од планински чај и разговараше со продавачите на пазарот. На една од повпечатлите фотографии од тоа време се гледа идниот британски престолонаследник како гледа во купот зелки и како земјоделците му се жалат за цената на нивниот производ.

Во Охрид тој се сликаше и со млади играорци кои на кралот Чарлс III му го претставија македонскиот фолклор, а уживаше и во звуците на гајдите кои пак се традиционални во Шкотска, земја дел од Обединетото Кралство.

Британскиот престолонаследник, следниот ден на 9. ноември се сретна со македонски претприемачи, а на фотографијата од сервисот ЕПА разговараше со еден од присутните менаџери на мали претпријатија – специјализиран за домашни слатки специјалитети. Овие претпријатијата беа поддржани од локалната „Know-how“ Фондација.

Кралот Чарлс Трети во овој период во рамките на својата турнеја на Балканот посети четири земји –  Словенија, Романија, Бугарија и Македонија, а во Скопје допатува од Софија кадешто престојуваше од 6 до 8 ноември 1998 година.

Извор: Слободен печат

Share on Facebook

Tweet

Follow us

Save