(Фото) Со црвена боја е исчкртан рускиот конзулат во Њујорк

Да потсетиме дека рускиот претседател Владимир Путин претседаваше со церемонијата на анексија на четирите украински региони кои беа делумно окупирани од руските воени сили, што резултира со ескалација на седуммесечната војна и ја внесе во нова, непредвидлива фаза. „Тоа е волја на милиони луѓе“, рече тој во говорот одржан пред стотици високи функционери во салата Свети Ѓорѓи во Кремљ.

Церемонијата се одржа три дена по завршувањето на набрзина организираните референдуми, по што поддржувачите на Москва во окупираните региони изјавија дека мнозинството гласачи, или 99 отсто од нив, се изјасниле за приклучување кон Русија.

Владите на Украина и западните земји референдумите ги нарекоа незаконски и лажни и сметаат дека тие биле спроведени со закана со оружје. Во говорот кој постојано беше прекинуван со аплауз, Путин изјави дека Русија има четири нови региони.

Тој ја повика Украина да ја прекине воената акција и да се врати на преговарачка маса. Киев вети дека ќе ги врати сите региони што Русија ги украде од Украина и им порача на Русите дека нивната одлука за анексија на тие територии ја уништила секоја можност за преговори.

Share on Facebook

Tweet

Follow us

Save