(Фото) Столе џентлменски прифаќа шеги: Линекс во Битола, за вирусот да му пројде!

Доскорешниот македонски репрезентативец Столе Стоилов најдобро од сите го знае ривалството меѓу Вардар и Еурофарм Пелистер. Поради отсуство на неколку играчи поради вирус, тој беше приморан да се активира на дербито во Битола, па пак доби уникатен подарок.

Пиво, колбаси и уште многу други подароци добиваше Столе Стоилов од „Чкембарите“ во Битола, а и овој пат доби уште еден уникатен подарок заради барањето на Вардар за одложување на дербито поради играчи со вирус.

Од трибината во Битола, на човекот кој е поранешен капитен на Вардар, а сегашен член на стручниот штаб (на дербито и активен играч), му беше подарено пакетче „Линекс“, како шега, за да закрепне побрзо ако и тој има вирус.

Столе џентлменски ја прифати шегата со насмевка, а исто прифати и фотографија со навивачот на пелистерци за спомен.

Извор: gol.mk

Share on Facebook

Tweet

Follow us

Save