INFOMAX.MK

Ја донесовме оваа торта бидејќи ова е единствениот подарок што треба да им се даде, изјави Стојковиќ.

Проукраински активисти се собраа денес на протест во Белград и се обидоа да постават торта со череп пред руската амбасада. Полицијата не им дозволи да го сторат тоа. Заедно со тортата активистите планирале да достават барање рускиот претседател Владимир Путин да сепредаде пред Меѓународниот суд на правдата во Хаг поради „геноцидот во Украина“. Барањето беше расфрлано по асфалтот.

Активистите ги предводел адвокатот Чедомир Стојковиќ од групата „Октобар“.

Danas smo u okupiranoj Srbiji nosili "tortu smrti" ruskom ambasadoru i zahtev za predaju V. Putina zbog zločina genocida u Ukrajini.
Znamo da je smrt ono što vole, i da su ljidi ono što jedu, i ova torta je simbol njihove politike:
(Srpska policija se borila protiv ove torte) pic.twitter.com/cYnQD8rp4b

— Advokat Čedomir Stojković 🇷🇸🇺🇦 (@FIGHT_4_RIGHT_S) February 24, 2023

– Ја донесовме оваа торта бидејќи ова е единствениот подарок што треба да им се даде. Тоа е она што се случува во Украина, последица на нивната политика и агресија, а тоа ќе се случува сè повеќе и повеќе ако режимот во Москва не биде поразен – рече Стојковиќ пред полицискиот кордон, со уште десетина луѓе.

На улиците на Белград се собираат поддржувачи на двете завојувани страни, и украинските групи и здруженија, како и проруските движења.