(Фото) Украинците го запленија најмодерниот руски тенк, па се пофалија со фотографии

Украинците запленија уште еден руски тенк Т-90М „Пробој“ (Прорыв). Тоа е трет таков што се најде во рацете на Украинците од почетокот на инвазијата

Тој руски тенк, инаку најмодерниот што Москва докажа дека го испратила на бојното поле (Т-14 Армата всушност никогаш не бил веродостојно снимен на фронтот), беше запленет од украинската армија во регионот Запорожје, објави Јуриј Мисјагин.

Т-90М „Пробој“ има мотор од 1130 коњски сили и може да достигне брзина до 70 km/h на пат или 50 km/h на нерамен терен. Со полн резервоар може да помине околу 550 километри.

Тенкот е вооружен со топ од 125 мм со дострел поголем од три километри. Покрај тоа, Т-90М е опремен со митралези од 7,62 мм и 12,7 мм.

Патем, првиот таков тенк беше заробен од Украинците уште во септември 2022 година.

Share on Facebook

Tweet

Follow us

Save