INFOMAX.MK

Објавeте го предлогот, што содржи францускиот предлог, што содржи протоколот, вака започнуваше секоја прес-конференција на ВМРО-ДПМНЕ изминатите два месеци, но по се изгледа дека опозицијата не само што знаела што се преговара и договора со ЕУ туку била и дел од процесот барем индиректно.

Инфомакс дознава дека таткото на градоначалникот на општина Аеродром од редовите на ВМРО-ДПМНЕ, Тимчо Муцунски лично и персонално е дел од кабинетот на Бујар Османи.

Ѕвонко Муцунски веќе подолг период е дел од кабинетот на министерот за надворешни работи.

Како дел од кабинетот на Османи тој лично имал увид во францускиот предлог, бугарскиот протокол и сите документи кои ги добивал министерот.

Инфомакс го контактираше и градоначалникот на општина Аеродром, Тимчо Муцунски од кого не добивме одговор дали неговиот татко е дел од кабинетот на Бујар Османи.

Се поставува прашањето зошто раководството на опозицијата порано не интервенираше и не го спречи предавството и бугаризацијата на Македонија? Веројатно не постои човек во Македонија кој верува дека Мицкоски и неговите најблиски соработници не знаеле кој ќе биде патот на Македонија кон Европската Унија.

Ова е уште еден доказ дека Христијан Мицкоски лично е учесник во предавството наречено француски предлог за бугаризација на Македонија.

Измамата на Христијан Мицкоски заврши денеска кога тој на Фејсбук соопшти дека утре францускиот предлог ќе помине во Собранието.

Бонус видео во прилог: