INFOMAX.MK

Франција протерува уште шест руски државјани осомничени дека работеле како шпиони под дипломатска заштита, откако француските разузнавачки служби открија тајна операција на нејзина територија, соопшти Министерството за надворешни работи во Париз.

„Шест руски агенти кои работат под дипломатска заштита и за чии активности е утврдено дека се спротивни на нашите национални интереси се прогласени за персона нон грата“, се вели во соопштението на МНР.

Во соопштението меѓудругото се наведува дека домашната разузнавачка служба „ДГСИ“ на 10 април по долга истрага открила „тајна операција спроведена од руските разузнавачки служби на француска територија“, при тоа не откривајќи детали.

Во твит, министерот за внатрешни работи Жералд Дарманин рече дека ДГСИ „ја откри мрежата на руски тајни агенти кои работеа против нашите интереси“. Тој рече дека ДГСИ спровела „вонредна контра-шпионажна операција“ и ја пофали организацијата за „грижата за националните интереси“.

Инаку овој чекор доаѓа откако Франција на 4 април соопшти дека протерува 35 руски дипломати како дел од заедничката европска акција по инвазијата на Москва на Украина.

Изминатиот период бројни европски земји протераа руски дипломати, особено по протестите ширум Европа поради убиствата во градот Буча во близина на украинскиот главен град Киев, каде што беа пронајдени десетици тела во масовни гробници или на улиците.

Remarquable opération de contre-espionnage. Bravo aux agents de la DGSI qui ont entravé un réseau d'agents clandestins russes qui œuvraient contre nos intérêts. Les agents impliqués devront quitter le territoire national. Dans l'ombre, la DGSI veille sur nos intérêts fondamentaux
— Gérald DARMANIN (@GDarmanin) April 11, 2022