Француската левица со поддршка за Русија: НАТО е агресор!

САД ја загубија својата доминантна позиција на светската сцена и сега се обидуваат да ја искористат ситуацијата околу Украина во своја полза, изјави за телевизија „Франс 2“ претседателскиот кандидат, лидерот на партијата „Бунтовничка Франција“, Жан-Лук Меланшон.

На прашањето на водителот дали „во ситуација кога“ рускиот претседател Владимир Путин ја собира војската околу Украина, тој ги смета НАТО или Русија за агресор“, Меланшон одговори дека тоа е „без сомнеж НАТО“.

„Зошто? Затоа што САД не можат да ја задржат својата позиција на меѓународната сцена поради општото слабеење и отсуството на аспекти кои би им овозможиле да победи во дискусијата. Ситуацијата е таква што САД кои доминираа на светската сцена повеќе не доминираат.

Имаше криза на геополитички поредок. Во сегашната кризна ситуација, Соединетите Држави не можат да одлучат кога да ги сметаат Кина или Русија за свој главен противник. И што прават на крајот? Тие сакаат Украина да биде примена во НАТО. За нас, Французите, тоа воопшто не е важно“, рече политичарот.

Тој изјави и дека Русија преместува војници на своја територија, додека НАТО се обидува да го спречи тоа и покрај меѓународниот правен поредок.
Како што рече, фактот што Алијансата распореди ракети и системи за противвоздушна одбрана на територијата на Полска ја прави Русија да се чувствува во опасност и тоа го доживува како агресија.

Во случај на победа на претстојните избори, Меланшон вети дека ќе потпише гаранции за нераспоредување на силите на НАТО во Украина.
Киев и западните земји неодамна изразија загриженост поради наводното зголемување на руските „агресивни дејствија“ во близина на границите на Украина.

Русија постојано ги негираше обвинувањата на Западот и Украина за „агресивни дејствија“, наведувајќи дека никому не се заканува и нема намера некого да нападне, а изјавите за „руска агресија“ се користат како изговор за распоредување што повеќе воена опрема на НАТО што е можно руските граници.

Share on Facebook

Tweet

Follow us

Save