Фрлена бомба во двор на куќа во Куманово, МВР ја подигна за вештачење

Вчера во 14:35 часот во СВР Куманово, Е.Х.(30) од Куманово пријавил дека во дворот од неговата куќа на улица „Бајрам Шабани“ во Куманово била фрлена експлозина направа.

Како што се наведува во полицискиот билтен, увид извршила екипа од СВР Куманово и на тераса од куќата била пронајдена експлозивната направа, додека во дворот била пронајдена една безбедносна рачка, за која се претпоставува дека е од истата направа.

Од Единицата за откривање и деминирање на експлозивни средства и направи при МВР екплозивната направа направата била безбедно подигната за понатамошна обработка.

Се преземаат мерки за расчистување на случајот.

Share on Facebook

Tweet

Follow us

Save