ФФМ и сѐ е можно: Откажан стартот на Втората лига, ќе ги ,,моли” клубовите да платат – котизација!?

Фудбалската федерација на Македонија направи нов преседан по своја слободна волја, на штета на клубовите. На само три дена до планираниот почеток на Втора лига – натпреварите се одложени.

Причината е одложувањето на седницата на комисијата за лиценцирање при ФФМ, на која требало да се одлучува за издавање лиценци на дел од клубовите во Втора лига.

Комисијата за натпревари сега го одложила стартот на натпреварите, а за новиот термин „клубовите ќе бидат дополнително известени“. Ваква порака добиле сите учесници во Втора лига, на три дена до планираниот старт, на 13 август.

Сега стојат во неизвесност, чекајќи да видат кој ќе биде новиот развој на сценариото во режија на ФФМ, од причини и мотиви кои ги знаат само фотелјашите.

Share on Facebook

Tweet

Follow us

Save