Хакиран Меѓународниот Кривичен Суд

Меѓународниот Кривичен Суд (ICC) денес објави дека детектирал сомнителна активност во нивниот информатички систем претходната недела.

„Превземавме вонредни мерки како одговор на сајбер сигурноста околу инцидентот за да се намали ударот врз судот“, објави Судот во своето соопштение.

Портпаролот на Судот кажа дека за сега не може да коментира повеќе околу инцидентот, за тоа како и на кој начин е влезено во системите за комуникација на Судот и колкава е штетата од хакирањето.

Холандската влада соопшти дека ќе помогне околу истрагата на инцидентот во Судот, а Судот кажа дека ќе превземе итни мерки за заголемувањето на сајбер безбедноста на неговите системи.

Маѓународниот кривичен суд е со седиште во Хаг и е основан во 2002-ра година за да истражува воени злосторства и злосторстрва против хуманоста.

Share on Facebook

Tweet

Follow us

Save