Хамас се предомисли: Ги постигнавме нашите цели, подготвени сме за можни преговори со Израел

Хамас е отворен за разговори за можно примирје со Израел, бидејќи ги „постигна своите цели“, изјави денеска висок функционер на палестинската милитантна група Муса Абу Марзук, информира  Нова.рс.

На прашањето дали групата е подготвена да разговара за можен прекин на огнот, Марзук за Ал Џезира изјави дека Хамас е отворен за „сите политички дијалози“.  Марзук додаде дека Хамас заробил „десетици“ израелски граѓани, вклучувајќи ги и оние со руско или кинеско државјанство.

Веќе трет ден беснее војната меѓу Израел и палестинската терористичка организација Хамас, која во саботата изврши масовен напад врз територијата на Израел. Тел Авив вети силна одмазда, која е во тек во форма на гранатирање на позициите на Хамас во Газа, но има и улични борби на границата меѓу Израел и Газа. Америка најави дека ќе испрати дополнителна воена помош за Израел, додека во тек е евакуација на странски државјани од Израел, меѓу кои и државјани на Србија.

Share on Facebook

Tweet

Follow us

Save