Хамнеи ги повика земјите од Персискиот Залив да се борат против „вистинскиот непријател“

Иранскиот врховен верски водач, ајатолахот Моџтаба Хамнеи, ги повикува лидерите на муслиманскиот свет, а особено оние од земјите во Персискиот Залив, да го идентификуваат својот „вистински непријател“, да ги спречат неговите планови и да се борат против него.

Повикот на Хамнеи беше упатен преку објава на социјалните мрежи по повод роденденот на пророкот Мухамед.

Хамнеи, исто така, повика и на единство, заедничка одбрана од непријатели и соработка меѓу муслиманите ширум светот.

Иако, во пораката директно не го именува „вистински непријател“, се претпоставува дека Хамнеи мисли на САД и Израел.

Хамнеи не е виден во јавноста откако беше ранет пред шест месеци при американско-израелските воздушни напади врз Иран. Неговиот татко и претходник на функцијата врховен верски лидер, ајатолахот Али Хамнеи, беше убиен во тие напади.

Share on Facebook

Tweet

Follow us

Save