Хаос во Белград: Се обидел да спаси момче кое го тепале, па и тој завршил во болница

Двајца тинејџери биле брутално нападнати и претепани во текот на ноќта во центарот на Белград, откако биле пресретнати од група млади лица кои без предупредување започнале физички напад.

Според неофицијалните информации, инцидентот се случил кратко по полноќ, кога Н.М. (18) се враќал дома по прослава. Во еден момент бил пресретнат од група млади напаѓачи кои почнале да го удираат со тупаници, клоци и палки.

Сведоци наведуваат дека В.Ј. (19) се обидел да му помогне на нападнатиот тинејџер и да го спречи насилството, но и самиот станал мета на групата. Напаѓачите продолжиле да го тепаат и него, по што избегале од местото на настанот.

Во нападот Н.М. се здобил со повреда на раката, додека В.Ј. претрпел повреди на главата и носот.

На двајцата повредени веднаш им била укажана итна медицинска помош на местото на инцидентот, по што биле пренесени во Ургентниот центар за понатамошно лекување и дополнителни прегледи.

Полицијата извршила увид и презема интензивни мерки за идентификување и пронаоѓање на напаѓачите, како и за целосно расчистување на случајот.

Share on Facebook

Tweet

Follow us

Save