Хаос во Тетово: насилник ѝ се заканувал на девојка, па избила тепачка со мајки, тетки и чичковци

Пресметка меѓу повеќе членови на две семејства во Тетово се случила вчеравечер, откако 27-годишен насилник ѝ се заканувал на 22-годишна девојка, соопшти СВР Тетово.

„На 14.09.2026 во 19:00 часот, полициски службеници од СВР Тетово го лишиле од слобода Ф.Ш.(27) од с.Голема Речица, тетовско. Претходно, 22-годишната Ф.А. од Тетово пријавила дека околу 15:50 часот во трговски центар во Тетово, Ф.Ш. ѝ се заканувал, а подоцна со нејзиното семејство отишле пред неговиот дом за да разговараат со неговите родители, Ф.Ш. физички ја нападнал неа, нејзината мајка Е.А.(50) и нејзиниот чичко Љ.А.(48), а во нападот се приклучиле и неговата мајка и тетка. Според пријавеното, Ф.Ш. го оштетил нејзиното патничко возило „фолксваген голф“ со тетовски регистарски ознаки и нејзиниот мобилен телефон. Ф.Ш. е задржан во полициска станица и по целосно документирање на случајот против него ќе биде поднесена соодветна пријава“, пишува во полицискиот билтен.

Share on Facebook

Tweet

Follow us

Save