INFOMAX.MK

Потпретседателот на Здружението на ветераните на ОВК, Насим Харадинај, на рочиштето во Специјалниот суд изјави дека убил српски војници и офицери, а не цивили.

На тој начин одговори на прашањето на судијата дали мисли дека ОВК извршила злосторства и изнесе тврдење дека ОВК не убивала цивили за време на конфликтот, туку само го бранела Косово.

„Да, убив српски војници и офицери, но тоа нема врска со цивили, не се вратив од Шведска да дадам цвеќе, туку се вратив да одам на фронтот. Се согласив да умрам. Бев на фронтот, јас зборувам за првата точка. Не се занимавав со цивили, ниту се занимавав со овие случаи по војната. Мојата земја беше ослободена и тоа е во ред. Бев ранет, можев да умрам, а никој не се прашува зошто ме ранија. Во мојот случај никој не бара одговорност зошто ме ранија или зошто пукав во нив додека ме нападнаа, тоа беше самоодбрана, ме нападнаа во мојата земја“, рече Харадинај.

За време на неговото сведочење, Харадинај, кој е обвинет за објавување документи, рече дека сите активности на ОВК биле преземени за транспарентност.

„Намерата беше нешто што ни е донесено да стане транспарентно, да се покаже дека не се крие, многу повеќе би се чувствувал виновен, господине обвинителе, ако ова го чував во тајност и ако направев нешто друго со тоа“, рече Харадинај.

Сведочењето на Насим Харадинај, кое почна на 11 јануари пред специјализираните совети, ќе продолжи утре.

Хисни Гучати и Насим Харадинај беа уапсени на 25 септември 2020 година поради објавување документи од Специјалниот суд и заплашување сведоци.