Хегсет: Крај на „утопискиот идеализам“ во надворешната политика на САД

Американскиот министер за војна Пит Хегсет во својот говор пред Форумот за национална одбрана „Реган“ во Калифорнија, го најави новиот фокус на Западната полутопка и Европа, јави изданието „Политико“.

Тој побара од сојузниците на САД сами да се справат со предизвиците и зазеде посмирен пристап кон кинеските вооружени сили, забележа весникот.

Говорот на Хегсет открива дека администрацијата на американскиот претседател се насочува кон политика која признава зони на влијание на големите сили – Кина во Пацифичкиот регион и САД во Западната полутопка и Европа во целина, притоа само бегло осврнувајќи се на Русија.

Изјавата на американскиот министер за одбрана е поврзана со новата Национална стратегија за безбедност, објавена доцна вечерта во четвртокот, која ги претставува и глобалните приоритети на Пентагон.

Хегсет ја критикуваше американската надворешна политика по Студената војна, посочувајќи ги по име поранешните претседатели и генерали, и притоа објави крај на ерата на „утописки идеализам“ во САД.

– Крај со утопискиот идеализам. Влегуваме со тврд реализам, изјави Хегсет.

САД не треба да бидат „одвлекувани од изградба на демократија, интервенционизам, неодредени војни, промена на режими, климатски промени, будно морализирање и неодговорна изградба на нации“, наведе тој. „Наместо тоа, ќе ги ставиме на прво место практичните, конкретни интереси на нашата земја“, додаде Хегсет.

Министерот Хегсет го отфрли и мешањето на САД во внатрешните работи на другите земји.

Администрацијата на Трамп „правилно даде приоритет на нашата татковина и полутопка“, рече тој. „Заканите продолжуваат и во другите региони, а нашите сојузници мора да преземат одговорност, и тоа вистинска“, подвлече американскиот секретар.

Share on Facebook

Tweet

Follow us

Save