Хезболах: Израел го прекршува примирјето

Хезболах ги отфрли обвинувањата на Нетанјаху дека го загрозува примирјето во Либан и порача дека ќе продолжи да одговара на, како што наведува, израелските прекршувања и окупацијата на јужен Либан, пренесува The Times of Israel.

Во соопштението, Хезболах наведува дека неговите напади врз израелски цели во јужен Либан и северен Израел се „легитимен одговор на континуираните прекршувања на примирјето од страна на непријателот уште од првиот ден на објавувањето на привременото примирје“.

„Хезболах јасно и цврсто потврдува дека продолжените прекршувања на примирјето од страна на непријателот… и пред сè неговата континуирана окупација на либанска територија и нарушување на суверенитетот ќе бидат проследени со одговор и отпор… подготвен да ја брани својата земја и народ,“ се наведува во соопштението.

Израелската војска соопшти дека напаѓа директни закани за своите трупи и за територијата на државата. Според условите на примирјето, таа немала обврска да се повлече од јужен Либан.

Share on Facebook

Tweet

Follow us

Save