Хезболах се одмаздува за загинатите членови: Силни ракетни напади од либанска на израелска територија!

Хезболах во понеделникот соопшти дека тројца негови членови загинале за време на израелски воздушен напад во јужен Либан, непосредно пред израелските одбранбени сили (ИДФ) да кажат „голем број лансирања на ракети од либанска територија на израелска територија“, пренесува Си-Ен-Ен.

Хезболах – група поддржана од Иран која се смета за терористичка организација од САД и поголемиот дел од западниот свет – во соопштението истакна дека „групите на Исламскиот отпор“ истрелале наведувани проектили врз Израел, гаѓајќи ги касарната Пранит на израелската армија и касарната Авивим, „како резултат на израелскиот напад врз либанските градови и села“ и смртта на членовите на групата.

Експлозии се слушаа неколку часа додека израелските хеликоптери извршија воздушен напад во близина на северната граница со Либан. Неколку куќи и продавници беа оштетени, а некои локални жители побегнаа во градот Саида, на околу 60 километри од границата, според либанската Национална новинска агенција (ННА).

Според сликите објавени во либанските медиуми, бил забележан и пожар кој беснее во еден од регионите цел на рацијата. Пожарот е резултат на израелски фосфорни бомби, соопшти NNA.

ИД не ја потврди употребата на запаливи бомби.

Либанската армија соопшти дека периферијата на Ал Даира и Аита Ал Шааб и другите погранични области биле „подложени на воздушно и артилериско бомбардирање“. Армијата ги повика граѓаните да ги избегнуваат областите во непосредна близина на границата.

Share on Facebook

Tweet

Follow us

Save