Хилари Клинтон за руската инвазија: Бев сведок и предупредив дека ќе стане закана

Поранешната американска државна секретарка Хилари Клинтон жестоко го критикуваше рускиот претседател Владимир Путин, со кој во текот на нејзиниот мандат се сретна неколку пати.

„Владимир Путин има речиси месијанско верување во себе и не ги сака критичарите, особено ако се жени“, рече Клинтон.

Таа рече дека имало „позитивен развој“ во соработката со Путин меѓу 2009 и 2013 година, кога тој беше премиер на Русија, но односите се влошиле по нејзините критики за „очигледно украдените“ избори кои го направија претседател.

Имено, таа тогаш изјави дека Русите заслужуваат „нивниот глас да биде слушнат и да им се пребројат гласовите“ и „изборите да бидат на ниво на меѓународни стандарди“. Потоа следеа масовни протести во Русија, а Путин за нив ја обвини Клинтон.

„Путин не ги сака критичарите, особено жените кои критикуваат. Путин стана многу непријателски настроен кон мене со неколку исклучоци. Како што знаеме, и покрај напорите за спротивното, Путин работеше напорно за да го избере Трамп на секој можен начин“.

Таа изјави дека била сведок на „неговото речиси месијанско верување во себе и во она што му било предодредено да биде“, како и неговата цел „да ја обнови империјалната Русија“. Тоа ја натерало да напише писма со предупредување дека тој ќе стане „закана за Европа и остатокот од светот“, иако се надевала дека пријателските односи со САД ќе го охрабрат „да ги запре своите агресивни амбиции и да биде покооперативен“.

Таа рече дека не била изненадена кога започнала инвазијата на Украина, но била пријатно изненадена од тоа како украинската влада се бранела. Таа повика на формирање меѓународен трибунал за судење на Русите одговорни за поединечни злосторства, наведувајќи ги како пример меѓународните трибунали за воени злосторства во поранешна Југославија и Руанда.

Share on Facebook

Tweet

Follow us

Save