Ховениер: САД поддржуваат трансформација на Косовските безбедносни сили во војска!

Американскиот амбасадор во Косово, Џефри Ховениер изјави дека Соединетите Американски Држави ја поддржуваат десетгодишната трансформација на КБС во армија и нагласи дека овие сили покажале зрелост за време на конфликтот во Бањска, избегнувајќи провокации кои би можеле да доведат до нови ескалации, пренесува Репортерс.

Министерството за одбрана и Косовските безбедносни сили денеска ја одржаа годишната меѓународна конференција „КБС и партнери 2023“.

„Сакам да напоменам дека за време на нападот на вооружените паравоени групи врз суверенитетот на Косово на 24 септември, косовските безбедносни сили и министерот за одбрана ја покажаа својата професионална зрелост и трпение, зајакнувајќи ја својата репутација на доверлив партнер со избегнување провокации кои би можеле да резултираа со понатамошна ескалација“, рече Ховениер.

Тој додаде дека нема проблем во континуираните напори на САД и Косово да работат заедно за да ѝ помогнат на КБС успешно да го заврши процесот на трансформирање на КБС во Армија.

Share on Facebook

Tweet

Follow us

Save