Холандија влезе во рецесија
Холандската економија влезе во рецесија откако во второто тромесечје падна за 0,3 отсто во однос на претходното, покажува првата проценка која денес ја објави холандската агенција за статистика.
Петтата економија по големина во еврозоната забележа пад во второ тромесечје по ред, откако падна за 0,4 отсто во првите три месеци оваа година.
Холандскиот економски раст во 2021 и 2022 изнесуваше блиску до 6 отсто, поради опоравувањето од падот предизвикан од ковид-19.
Првата рецесија по пандемијата ја предизвика падот на личната потрошувачка и извозот, поради високата инфлација која ја поскапе храната и ги крена сметките за енергија во Холандија и нејзините трговски партнери. Потрошувачката падна за 1,6 отсто, а извозот бил помал за 0,7 отсто отколку во првите три месеци оваа година.
Инфлацијата во Холандија успорува откако во септември минатата година го достигна врвот од 14,5 отсто, но и понатаму остана на релативно високи 6 отсто во второто тромесечје на 2023.
ПОВРЗАНИ ВЕСТИ
Еврото е најчесто користена валута за извоз,…
Вкупната трговија со стоки надвор од Европската…
Невработеноста во првото тримесечје годинава е 12,9%
Според податоците на Државниот завод за статистика, во првото…
Русија стана четврта економија во светот според…
Рускиот претседател Владимир Путин им се обрати…
Ново поевтинување на горивата од полноќ
Од ноќеска на полноќ за два денари…
Пониски цени на горивата од полноќ
Регулаторната комисија за енергетика, водни услуги и…