Хорор во Софија: Малолетен ученик избоден со нож

Шеснаесетгодишен ученик бил нападнат и избоден со нож во центарот на Софија. Пријавата за кривичното дело е поднесена вчера околу 19 часот, потврдија од прес-центарот на Министерството за внатрешни работи на Бугарија.

Според првичните податоци, момчето било избодено во кругот на училиштето на улицата „Пировска“. На местото на настанот се испратени полициски и екипи на итната помош. Повредениот тинејџер е пренесен и ставен на лекување во „Пирогов“. Неговата состојба е стабилизирана и нема опасност по неговиот живот.

Во моментов се разјаснуваат причините за тоа што се случи. Двајцата сторители се уапсени. За случајот е поведена предистражна постапка, а истрагата е во тек.

Share on Facebook

Tweet

Follow us

Save