Хрватската полиција повторно заплени голема количина хероин која доаѓала од Албанија

На граничниот премин Карасович на хрватско – црногорската граница, хрватските полицајци синоќа заплениле уште една пратка со хероин, која доаѓала од Албанија, јавија албанските медиуми.

Уапсени 24- годишен албански државјанин во чиј автомобил биле откриени 11 килограми хероин.

Претходно на 16 декември во Хрватска во автобус со албански регистарски таблички беа откриени 5,4 килограми хероин и 5,6 килограми кокаин.

-На 10 јануари во Хрватска, во автомобил со албански регистарски ознаки, откриени беа 11 килограми хероин и уапсени двајца албански државјани. Така, за еден месец хрватската полиција заплени 27,4 кг хероин и 5,6 кг кокаин кои од Албанија требало да завршат на нарко пазарот во некоја од земјите на Европската унија, наведуваат медиумите.

Share on Facebook

Tweet

Follow us

Save