Хрватска на нозе: Од иста област исчезнале тројца тинејџери

Тројца малолетници се исчезнати кај Сисак, Хрватска. Како што објавила полицијата, лица на 16, 14 и 13 години во средата се оддалечиле од семејните домови, и заминале во непознат правец.

Полицијата ги повика граѓаните ако имаат било каква информација за исчезнатите, да ја известат најблиската полициска станица.

Се огласија и мајките на исчезнатите деца Патрик, Адриано и Кјара.

„Ме повика мајката на Кјара и ми рече дека не може да ја добие неа и нејзиниот брат, и ме замоли да му се јавам на Патрик, затоа што може е со нив. Кјара и Патрик се дечко и девојка. Патрик преку пораки ми одговараше само со да и не, беше многу службен. Тоа беше во средата наутро, и од тогаш им се губи секаква трага“, изјави мајката на Патрик.

Другата мајка претпоставува дека се заедно.

„Не знаеме каде се. Ги прегледавме сите места каде што мислевме дека се, а сега чекаме полиција“, напомена таа, истакнувајќи дека досега вакво нешто се нема случено.

Share on Facebook

Tweet

Follow us

Save