Хрватските војници итно евакуирани од Блискиот Исток

Блискиот Исток е на раб на тотален колапс, а Хрватска не губи ниту секунда во спасувањето на своите војници! Кабинетот на претседателот Зоран Милановиќ потврди дека сите седум припадници на хрватските вооружени сили, кои беа стационирани во Ирак, се веќе безбедно евакуирани и се на пат кон дома. Оваа итна операција доаѓа како директен одговор на застрашувачката ескалација на конфликтот кој незапирливо се шири низ регионот.

Одлуката за повлекување не застана само на Ирак – пред само една недела, во строга тајност беше извлечен и хрватскиот војник од Либан. Причината за овој „егзодус“ на мировните сили е крвавиот биланс кој започна на 28 февруари. По масовните американско-израелски напади врз Иран, во кои животот го загубија над 1.300 луѓе, вклучувајќи го и врховниот лидер Али Хамнеи, регионот стана вистинско буре барут.

Додека Техеран одговара со жестоки напади со дронови и ракети врз Израел и заливските земји, европските држави брзаат да ги извлечат своите луѓе од линијата на огнот. Дали ова е најава за уште поголем судир кој допрва доаѓа?

Share on Facebook

Tweet

Follow us

Save