Хрват си ја убил сопругата на улица во Германија

Ужасно злосторво се случи во Келхајм, Хесен, кога 60-годишен Хрват ја убил својата 58-годишна сопруга, исто така хрватска државјанка, на улица. Мажот бил уапсен по нападот, откако бил совладан и приведен од сведоци на инцидентот. Осомничениот треба да се појави пред истражен судија подоцна денес попладне, објавува Focus.de .

Истражниот судија на Општинскиот суд во Франкфурт ќе одлучи за притворот на 60-годишниот осомничен. Канцеларијата на државниот обвинител на Франкфурт потврди за FOCUS online дека двајцата се хрватски државјани кои се во брак од 1991 година.

„Во оваа рана фаза од истрагата, не можеме да дадеме никакви дополнителни информации“, соопшти обвинителството.

Според информациите што досега ги дадоа полицијата и обвинителството, маж ја убил својата сопруга синоќа на отворено, во близина на пазарот во Келкхајм. На убиството наводно му претходела расправија.

Злосторството се случило пред бројни минувачи, од кои некои успеале да го совладаат напаѓачот и да го држат додека не пристигнала полицијата. Напаѓачот бил полесно повреден за време на совладувањето. Мотивот и позадината на злосторството засега се нејасни, а истрагата е во полн ек.

Сведок: „Сè беше покриено со крв, бегав за да си го спасам животот“

Еден од очевидците, кој се претстави само како Петар, рече дека бил на само пет метри од местото на нападот. Според него, човекот, кој можеби бил пијан, ја прободел жртвата во вратот со мачета.

„Сè беше покриено со крв. Бегав за да си го спасам животот“, рече тој. Додаде дека ја видел жената како трча во истата насока, а потоа се струполи. Видел само една убодна рана, по што нападот бил „завршен“.

Владимир Миловац од Келкхајм, познаник на двојката, рече дека го познава осомничениот долго време, а убиената жена неколку месеци. Тој рече дека сопругата изгледала многу исцрпено и стресно, додека мажот понекогаш бил агресивен и ѝ се заканувал. Тој рече дека жали што не интервенирал.

„Кога утрово слушнав дека починала, бев многу тажен“, рече тој.

Ужасот од злосторството се чувствува низ целиот град. Една жена положи бела роза на местото на настанот. „Прочитав за тоа што се случи утрово и навистина ме погоди. Секогаш појадуваме тука“, рече таа, покажувајќи кон блиската пекара. „Положив роза затоа што нема ништо друго што можам да направам. Ужасно е кога нешто вакво се случува во вашиот град. За жал, се случува премногу често. Немам зборови.“

Share on Facebook

Tweet

Follow us

Save