Хрват, Швајцарец и двајца Германци се исчезнати – Биле во авионот кој мистериозно го снема

Пилотот на спортскиот авион „Цесна“, кој денеска исчезна од радарот по полетувањето од Сплит кон Германија, е швајцарски државјанин, додека двајца патници се германски државјани, а едно лице е хрватски државјанин, покажуваат податоците на полицијата.

Шефот на полициската управа во Карловац, Дарко Братиќ, изјави дека оваа информација полицијата ја добила во најавата за летот од регионалната контрола на летот во Сплит.

Началникот на Хрватската планинска спасувачка служба (ХГС С), Јосип Граниќ изјави дека се уште нема нови информации, но оцени дека е позитивно што поголем број луѓе се вклучиле во потрагата и дека е извршен увид на поголема површина.

Тој додаде дека е мобилизиран целиот ХГС С и нагласи дека потрагата нема да биде прекината „се додека не се најде нешто“.

Авионот се смета за исчезнат, нагласи Граниќ и додаде дека не може да се прејудицира дали се урнал.

– Се е можно, но авионот исчезна и ние така го водиме. Се надеваме на најдоброто, подготвени сме за најлошото, истакна тој за ХРТ.

Share on Facebook

Tweet

Follow us

Save