Цариниците пронашле мигрантка која се криела под хауба на автомобил

Царинските службеници спречиле обид мигрантка илегално да влезе во Србија скриена под хаубата на автомобил, соопштила Царинската управа.

Како што се наведува, обидот за криумчарење мигрантка бил откриен во саботата на 24 март во вечерните часови на преминот Градина во автомобил на 32-годишен странски државјанин.

На влез во државата, царинските службеници издвоиле „пежо 407“ со странски регистарски таблички, а откако го прегледале возилото под хаубата, во просторот помеѓу радијаторот и моторот, пронашле скриена жена.

Тие наведуваат дека делот за кој станува збор е многу ризична и поради топлината на моторот и поради ограничениот простор.

„Се претпоставува дека овој начин на превоз на илегални мигранти е возможен само на кратки делници, доволни за преминување на граничниот премин“, велат од Царинската управа.

Share on Facebook

Tweet

Follow us

Save