Центарот за јавно здравје со препораки до граѓаните како да се однесуваат при екстремно високи температури

Центарот за јавно здравје Охрид се обрати до јавноста со препораки за граѓаните, гостите и туристите за нивна заштита од топлотен бран и високите температури што го зафатија регионот.

Од Центарот апелираат да се избегнува, колку што е можно, излегување во надворешна средина во периодот од 10 до 17 часот, а неопходните работи граѓаните да ги завршуваат пред 10 или после 17 часот.

Во најтоплиот период од денот да се избегнуваат напорни физички активности, вклучувајќи спорт и рекреативни активности, да се седи во затворени климатизирани простории, со затворени прозорци и ролетни во текот на денот. Прозорците да се отвараат навечер кога температурата е пониска.

При неопходен престој на отворен простор, да се избегнува директна изложеност на сонце, со почести одмори под сенка.

Share on Facebook

Tweet

Follow us

Save