INFOMAX.MK

Новак Ѓоковиќ по десетти пат ја освои круната на Австралија опен, тоа за него беше 22. грен-слем титула, а тоа го направи откако во финалето го победи Стефанос Циципас со 3-0. По мечот Гркот имаше големи зборови за српскиот тениски ас.

„Новак, не знам што да ти кажам, сѐ што си направил говори само за себе, сѐ што правиш за нашиот спорт, сѐ што си направил досега. Сѐ е во бројките. Честитки. Не само за тебе, туку што имаш и поддршка од семејството, на сличен начин израснавме во тенисот. Секоја чест за сѐ што имаш направено за тенисот и мене ме правиш подобар играч кога сум со тебе на теренот“, вели Циципас.

„Сум имал можност да играм многу мечеви со висок интензитет. Новак го вади најдоброто од мене. Еден од најголемите во нашиот спорт. Впрочем, тој е најголемиот кој било кога го држел рекетот во историјата. Не сум го правел ова, но сакам да ти заблагодарам што го туркаш нашиот спорт толку далеку, што секој поединец го мотивираш да го даде максимумот“.

Циципас ја продолжи серијата порази од Ѓоковиќ која трае 10 меча. Сега нивниот биланс во меѓусебните средби е 11:2.