Црквата „Св. Константин и Елена“ конечно ќе биде осветена овој месец
По цели 13 години откако почна да се гради, црквата „Свети Константин и Елена“ на улицата „Македонија“ во центарот на Скопје ќе биде осветена на 28 септември, информира Скопската епархија на Македонската православна црква-Охридска Архиепископија (МПЦ-ОА).
Осветувањето ќе го изврши архиепископот Стефан во сослужение на архиереи, а меѓу поканетите се државниот врв, дипломатскиот кор, стопанственици, претставници на локалната самоуправа, медиуми и верници.
Изградбата на храмот започна во 2012 година и таа се соочи со големи финансиски предизвици. Пари за црквата да се догради во еден момент се собираа и преку донаторски конференции.
Црквата ја градеше сега пропаднатата градежна компанија „Бетон“, која остави голем долг. Во 2021 година, бизнисменот Минчо Јорданов преку својата болница „Ре-медика“ го презеде долгот од околу 3,5 милиони евра за црквата да може да се догради, но и оттогаш поминаа повеќе од четири години.
ПОВРЗАНИ ВЕСТИ
Денес се празнува Преподобен Теофил Струмички
Блажениот Теофил се родил од побожни родители…
Денес се празнува Светиот апостол Јаков
Син Алфеев и еден од Дванаесетте големи…
Денес се празнува Преподобна Пелагија
Покајана грешничка. Родена е како незнабошка во…
Денес се празнуваат Светите маченици Сергиј и…
Овие Свети и прекрасни маченици за верата…
Денес се празнува Светиот апостол Тома
Еден од Дванаесетте големи апостоли. Со неговиот…