Црна Гора ќе ги ограничи маржите на над 500 производи

Владата на Црна Гора усвои одлука за ограничување на маржите за повеќе од 500 продукти, а планот е да се намали инфлацискиот притисок врз граѓаните. Овие мерки ќе важат два месеци, односно од крајот на март до крајот на мај, објавија црногорските медиуми.

Премиерот Милојко Спајиќ рече дека инфлацијата во Црна Гора е увезена.

“Ова не го запира зголемувањето на цените, туку ги намалува цените на 500 артикли, кои се најважни за животот на граѓаните”, рече тој.

Европа сега 2, како што наведе, ќе биде следниот чекор за покревање на животниот стандард во Црна Гора.

-Се надеваме дека тогаш нема да имаме увозна инфлација и се надеваме дека ќе влеземе во период кога нето-стандардот на граѓаните дополнително ќе се зголемува, посочи Спајиќ

Share on Facebook

Tweet

Follow us

Save