Црна Гора ќе произведува дронови за Украина – во соработка со Америка

Црногорските власти планираат да започнат со производство на беспилотни летала во соработка со компанија од Соединетите Американски Држави, а првата серија ќе биде донирана на Украина, според документ од Владата на Црна Гора.

Владата вели дека иницијативата е во согласност со обврската на Црна Гора, која, меѓу другото, ќе ја зајакне домашната одбранбена индустрија.

„… Подобрување на капацитетите на Армијата во однос на НАТО, поддршка на одбранбените потреби на Украина, како и позицијата на Црна Гора како сигурен снабдувач на најсовремена одбранбена опрема на глобалниот пазар“, изјави Владата. Не е познато кога ќе започне производството и колку пари ќе издвојат црногорските власти за овие потреби. Во документот се нагласува дека договорот ќе биде поддржан од американската администрација предводена од претседателот Доналд Трамп, во вредност до 15 милиони долари. Ова се парите што САД ги издвоија за Армијата на Црна Гора.

За потсетување, на својата седница на 29 мај, Владата одобри „писмо за намери“ за инвестиции во производство на системи за беспилотни летала (БЛН) и развој на извозот од црногорските аеродроми. Писмото наскоро ќе го потпишат вицепремиерот и министер за економски развој Ник Ѓељосај и Роберт Џ. Донахју, директор на компанијата „By Light professional IT services LLC“.

Тоа ќе биде вовед во договорот што треба да се потпише во септември. Црна Гора, исто така, во документите потврдува дека ќе обезбеди законска рамка за производство и извоз на воени компоненти и опасни материјали. Владата моментално работи на нацрт-закон за производство на оружје и воена опрема, кој треба да биде готов до крајот на годината. Осум министерства, Агенцијата за цивилно воздухопловство и аеродромот во Подгорица се вклучени во аранжманот.

Share on Facebook

Tweet

Follow us

Save