ЦУК: Пожарот кај село Зрзе е се уште активен, се шири и огнот во реонот на село Кошино, нов пожар и над Бељаковце

Регионалниот ЦУК Прилеп, известува дека пожарот кај село Зрзе, Општина Долнени, е се уште активен во два крака: едниот кон с.Рилево, а вториот кон с.Сливје.

„Во моментот во негово гаснење интервенираат 14 пожарникари од ТППЕ Прилеп со 4 ПП возила и 4 лица со 1 теренско возило од ЈП „Национални шуми“ подружница „Црн Бор“ од Прилеп. До сега имало најмалку два прелета со испуштање вода измешана со специјална ПП пена, на двата противпожарни авиона „ер трактори“ на ДЗС. Согласно ситуацијата на терен, воздушната противпожарна поддршка е насочена кон село Рилево“, соопшти ЦУК.

Додаваат дека пожарот во реонот на село Кошино, Општина Долнени е повторно активен и се шири во правец на Општина Македонски Брод. Во моментот во негово гаснење интервенираат 6 пожарникари со 2 ПП возила од ТППЕ Прилеп.

„Пред малку повторно изби пожар над селото Бељаковце, Општина Куманово. Тим кумановски пожарникари се упатени кон овој, трет по ред, пожар во близина на ова село“, велат од ЦУК.

Share on Facebook

Tweet

Follow us

Save