Цуцуловски: Уставни измени се уставни измени, без разлика кога и под какви услови ќе стапат во сила

Уставни измени се уставни измени, без разлика кога и под какви услови ќе стапат во сила. А е секогаш А, независно од условите. Тоа го кажува логичкиот закон/принцип за идентитет.

ВО ИСТА КАЛ. Денешниот пост е само мало надополнување на мојот претпоследен пост „Обид“ од 7.06.2023 година. Во него, помеѓу другото, потсетив на Хераклитовото учење дека сè тече, сè се менува и дека (затоа!) двапати во иста река не може да се влезе. Меѓутоа, после она што го преживува Македонија, осбено после вчерашната „лидерска средба“, мислам дека Хераклит е нешто повеќе од оптимист, макар што повеќето го сметаат за мрачен песмист. После средбата стана јасно дека не само што ништо не тече/изминува, туку од истата река/кал, по сè изгледа, не може да се излезе. Вечното повторување (палингенезта) сè повеќе станува македонска судбина. Така е, барем со сегашните партии. Се очекува да следат бројни објаснувања/наклапања на партиските фигурини, како народот да не умее да умува. Како при ум, да е без ум! Сепак, останува надежта дека еден ден ќе дојде откочување и до Хераклитовото panta rei – кога и да е.

Пишува на Фејсбук професорот Љубомир Цуцуловски.

Share on Facebook

Tweet

Follow us

Save