INFOMAX.MK

ИЗУМУВААТ? Се растрчале европските лидери на сите можни страни, па почнаа да ни се обраќаат дури и со драги „Македонки и Македонци“, охрабрувајќи нè да издржиме во копмромисите со Бугарија.

Знаеле, господата, дека компромисите не биле лесни и безболни, па зато и нè охрабруват, како да сме плашливи и несигурни во себе суштества. Сепак, тоа прашање го оставам настрана, бидејќи нешто друго изумуваат.

Имено, Македонија ништо не бара од Бугарија, па да бара компромис со неа. Ако Македонија нешто бара, тогаш тоа е (евентуално) влез во ЕУ, а не во Бугарија. Според тоа, нема што да преговара и да прави компромиси со Бугарија, туку тоа треба (евентуално!) да го направи директно со ЕУ. Изговорот дека ЕУ не може да ги започне преговорите, пред да бидат решени споровите со Бугарија, лесно отпаѓа.

Ако е така, ако навистина постојат отворени прашања помеѓу Македонија и Бугарија, тогаш како ја примиле Бугарија пред да ги реши споровите со Македонија, бидејќи тие спорови не се јавиле после бугарскиот прием во ЕУ, туку постоеле и претходно? Работите се многу јасни, за да се продолжат преговорите и компромисите за било што, како и со било кого. Само така е можен куртул.