Четири експлозии во една ноќ во Амстердам, зборот „војна“ испишан на ѕидовите на две згради

Во Амстердам во текот на ноќта се случија експлозии во четири згради, на ѕидовите на најмалку две беше испишан зборот „војна“, а полицијата уапси двајца осомничени.
Како што јави локалната телевизија АТ5, првата експлозија се случила околу 23 часот и 45 минути во станбениот комплекс и предизвикала искршени неколку прозорци, а полицијата набрзо уапсила двајца осомничени.

Извори за амстердамската телевизија изјавија дека експлозијата била напад врз ривалите на убиениот рапер Бигидагое.
Втората експлозија се случила околу 01:00 часот и го оштетила влезот на зградата, а насилниците на ѕидот го напишале зборот „војна“.
Истиот збор сторителите го напишале и на третата зграда каде што се случила експлозијата околу 03:15 часот.

Полицијата соопшти дека на местото на четвртата експлозија биле оставени експлозиви и дека реагирала Службата за уништување експлозивни направи на Министерството за одбрана, објави NL Times.
Раперот Дензел Силос (26), попознат како Бигидагое, е убиен во неделата наутро во близина на станицата Слотердајк во Амстердам.

Share on Facebook

Tweet

Follow us

Save